"Чүп чыгарган өчен тарифларны арттыру мәсьәләсе турында фикер алышынмаячак"

Андрей Назаров: "Региональ операторлар тиешле дәрәҗәдә эшләргә өйрәнмичә, чүп чыгарган өчен тарифларны арттыру мәсьәләсе турында фикер алышынмаячак»

6 июльдә Башкортстан хөкүмәтендә каты коммуналь калдыклар белән эш итү мәсьәләләре буенча киңәшмә булды. Киңәшмә видеоконференция режимында БР Хөкүмәте Премьер-министрының беренче урынбасары Андрей Назаров рәислегендә вице-премьер Борис Беляев катнашында узды.

БРның табигатьтән файдалану һәм экология министры урынбасары Нияз Фазылов мәгълүматлары буенча, 3 июльгә республика буенча калдыкларны чыгару фактларын фотофиксацияләү 97 процент тәшкил итте. Шул ук көнне 281 контейнер мәйданчыгыннан фотоотчет юк, димәк, коммуналь калдыкларны чыгару факты да юк,. Министр урынбасары билгеләп үтүенчә, автоматлаштырылган система эшли, әмма кайбер муниципаль берәмлекләрдә контейнер мәйданчыклары турындагы мәгълүматларны актуальләштерүгә карата кисәтүләр бар. БРның Экология һәм табигатьтән файдалану министрлыгы контейнер мәйданчыкларының сыйфатын тикшеру буенча даими эш алып бара, әмма барлык муниципалитетларда да бу эш БР Экология министрлыгы тәкъдимнәренә ярашлы алып барылмый.

Андрей Назаров кыска вакыт эчендә чүп чыгару буенча эшне сыйфатлы оештыру һәм кирәкле мәгълүматларны «ТКК-Башкортстан» системасына кертү мәсьәләләрен хәл итәргә кушты.

- Фотофиксация фактларын 100 процентка җиткерү генә түгел, чүп чыгару буенча үз өстенә алган йөкләмәләрне дә үтәү зарур. Тарифларны нинди арттыру турында сүз барырга мөмкин? Әлегә регоператорлар тиешенчә эшләргә өйрәнми, бу мәсьәлә турында фикер алышынмаячак,-дип билгеләп үтте беренче вице-премьер.

Киңәшмәдә шулай ук каты коммуналь калдыклар белән эш итү буенча халыкка коммуналь хезмәт күрсәтү эшчәнлеген тәэмин итү өчен төбәк операторларына федераль бюджеттан субсидияләр бирү мәсьәләсе буенча фикер алыштылар. «Каты коммуналь калдыклар белән эш итүнең комплекслы системасы» федераль проекты кысаларында Башкортостан Республикасында «Экология» милли проектының 341 млн.сум бүлеп бирелгән. Субсидияләр, яңа коронавирус йогышы таралу сәбәпле, халыкка коммуналь хезмәт күрсәткәндә региональ операторларның чыгымнарының бер өлешен финанс яктан каплау максатларында һәм каты көнкүреш калдыклары белән эш итү буенча региональ операторларның өзлексез эшен тәэмин итү зарурлыгына бәйле рәвештә бирелә.

Моннан тыш, каты көнкүреш калдыклары полигоннарында контрольне тәэмин итү һәм янгын куркынычсызлыгы чараларын үтәү мәсьәләсе дә күтәрелде. Бүгенге көндә республика территориясендә калдыкларны урнаштыру объектларының дәүләт реестрына кертелгән 34 каты көнкүреш калдыклары полигоны эшли. Андрей Назаров әлеге мәсьәләне җентекләп эшләп бетерергә һәм киләсе көн тәртибенә кертергә кушты, анда каты коммуналь калдыклар полигоннарын тоту буенча санитар кагыйдәләрне үтәү һәм арендаторлар һәм полигон хуҗалары тарафыннан янгын куркынычсызлыгы таләпләрен үтәү турында фикер алышыначак.

Социаль челтәрләрдә граңданнарның каты коммуналь калдыкларны чыгару мәсьәләләре буенча мөрәҗәгатьләренең динамикасын анализлау мөрәҗәгатьләр санының артуын күрсәтте.

Чыганак