Юл буйлары тузганактан арындырыла

Үзләренә йөкләтелгән территорияләрне тәртипк китерү максатында, бүген Башкорт төньяк-көнбатыш авыл хуҗалыгы колледжы хезмәткәрләре өмәгә чыкты.

Район үзәге оешма предприятиеләре хезмәткәрләре үзләренә йөкләтелгән территорияләрне тәртипкә китерү мәсьәләсенә җаваплы карый. Экология елында, бигрәк тә.

Бүген Башкорт төньяк-көнбатыш авыл хуҗалыгы колледжы хезмәткәрләре өмәгә чыкты.

Дәвамлы явым-төшем нәтиҗәсендә, юл буйларында чүп үләннәре ярыйсы буй җиткерергә өлгерде. Тузганак инде, хәтта, "мамык" очыра. Өмәдә катнашучылар юл буе күркен бозып утырган чүп үләннәрен егарга кереште.

Башкорт төньяк-көнбатыш авыл хуҗалыгы колледжы хезмәткәрләренә Энергетикклар урамын буйлап үткән автотрассаның, "Башспирт" кибетеннән алып, Киров урамы белән кисешкән чатлыкка кадәр, бер километр озынлыкта өлешен, шулай ук Комсомол, Үзәк урамнарында, билгеләнгән урыннарда, юл буйларын тәртипкә китерү йөкләтелгән.