Барлык яңалыклар
Җәмгыять
12 февраль , 16:37

Һәр иҗат эшендә – күңел җылылыгы

Районның иҗтимагый тормышында кайнаган Петр Абдулов турында белмәгән балтачлы юктыр, мөгаен. Бернинди дә чара ансыз үтми, дисәк тә була. Соңгы елларда ул борынгы эш менән шөгыльләнә – талдан төрле кәрҗиннәр, читән үрә.

Һәр иҗат эшендә – күңел җылылыгы
Һәр иҗат эшендә – күңел җылылыгы

Бар җаны белән матурлыкка омтылучы, оста куллы, мари халкының мәдәнияте һәм тарихы өчен җан атып яшәгән шәхес – Пётр Абдулов турында билгеләп үтәсем килә биредәге язмамда. 

Районның иҗтимагый тормышында кайнаган шәхес турында белмәгән балтачлы юктыр, мөгаен. Бернинди дә чара ансыз үтми, дисәк тә була. Соңгы елларда ул борынгы эш менән шөгыльләнә – талдан төрле кәрҗиннәр, читән үрә.

Пётр Абдулов Янтимер авылы егете. 1975нче елда Иванай урта мәктәбен тәмамлагач, Совет Армиясе сафларына алына. 1976—1978нче елларда ул Кавказ аръягы хәрби округында хәрби-һава гаскәрләрендә Ватан алдындагы изге бурычын үти.

Ары таба Шафран ветеринария училищесын (Әлшәй районы) яхшы билгеләргә генә тәмамлап, үзенең хезмәт юлын “Большевик” колхозында ветеринария фельдшеры булып башлый.

Туган авылында, районда үткән бер концертлардан та читтә калмый ул. Сәләтле кеше бар яклап та сәләтле була, диләр андыйлар турында.  Нинди генә тармакларда эшләми ул – элемтә бүлегендә – монтёр , Янтимер авылы балалар бакчасы мөдире, киномеханик, Көнтүгеш авыл биләмәсендә салым инспекторы булып та эшли.

Хаклы ялга чыккач та, тик тормый Пётр Абдулов. Ул хәзер бар тирә-якны матурлап, талдан кәрҗиннәр, читән, тирмәләр үрә.

—Бернинди эшне дә башлап җибәргәндә, җиңел түгел. Ә хәзер инде куллар үзләре үрә. Ә менә яхшы һәм төз талларны табу авыр була башлады. Районны аркылыга да-буйгада йөреп чыктым инде,—дип көлеп җибәрде оста куллы Петр Абдулов. – Яхшы материаллар булса, күп нәрсәләр ясап була. Бөтен нәрсә үзеңнең фантазияңнән һәм осталыгыннан тора.

Ә героебызның фантазиясы бик бай. Бер яктан караганда, гади генә чыбыклардан искиткеч әйберләр үрә. Иң мөһиме, һәрбересе үзенчә кабатланмас һәм үзенчәлекле.

—Хаклы ялда булгач, вакыт җитәрлек. Көндез тал җыйсам, төнен алардан нәрсәдер булса да үрәм. Бу шөгыль миңа ниндидер күңел тынычлыгы бирә. Моны сүзләр белән әйтеп тә булмый,—ди Пётр Салиевич үзенең иҗат җимешләренә җылылык белән карап.

Ул үзенең эшләреннән торган күргәзмә белән төрле чараларда таныштыра. Быел гына Мишкә районында—“Масленица”, Калтасыда – “Серебряная веревка” кебек республика күләмендә үткән чараларда катнашты.  Шулай ук иҗат эшләрен “Аек авыл” республика күргәзмәсе өчен дә әзерли.

—Бу тормышта барыбыз да каядыр ашыгабыз, кабаланабыз. Ә гомер бит ул бер мизгел генә. Бетмәс-төкәнмәс көндәлек мәшәкатьләр бетми ул. Шуңа күрә һәр кешенең яраткан шөгыле дә булырга тиеш, дип уйлыйм. Менә мин кулыма тал чыбыклары алсам, хәтта вакыт тукталган сыман тоела. Үз кулларың белән булдырган могҗизаны күргәч, кичергән бәхетне бернәрсә белән дә алыштырып булмый,—ди райондашыбыз.

Пётр Абдуловның уйлану тирәнлегенә, яраткан шөгыленә бар күңеле белән бирелүенә сокланмый мөмкин түгел.  Шундый кешеләр белән очрашып, аралашканнан соң, аларның һәрбер киңәше һәм җылы сүзе алга таба үзеңә дә зур этәргеч бирә.

Автор:Фиргат Набиуллин
Читайте нас в