Районда ГТО тапшырулар дәвам итә

Тест үткәрү үзәге хезмәткәрләре Иске Балтач 2нче урта мәктәбенең 3нче сыйныф укучылары арасында чираттагы ГТО нормативларын кабул итте.

Балалар өчен ГТО нормативларын тапшыру –күңелле вакыйга! Мондый чаралар балаларда физик культура һәм сәламәт яшәү рәвеше белән кызыксыну уята. Алар үз нәтиҗәләреннән сөенеп кенә калмыйлар, үзләрен зур спорт командасында катнашучы итеп, иптәшләре өчен борчылырга да өйрәнәләр.

Укучылар әлеге чарада рәхәтләнеп катнаштылар, һәркемгә үзенең ни дәрәҗәдә көчле, җитез һәм тиз булуын мөһим иде.

Гөлфия НӘБИЕВА,   

"Яшьлек" физкультура-савыктыру комплексының

инструктор-методисты.