Балтач юл төзү һәм ремонтлау идарәсе эшчәннәре - ГТО яклы

Юл хуҗалыгы хезмәткәрләре көне алдыннан Балтач юлчылары үзләренең һөнәри бәйрәмнәрен спорт чарасы итеп үткәрделәр.

Бүген “Яшьлек” физкультура савыктыру комплексына юл хуҗалыгы хезмәткәрләре җыелды.

Бәйрәмнең тантаналы өлешендә катнашучылар сәламләү сүзләре белән уртаклаштылар һәм залда күңелле бәйрәм атмосферасы тудырдылар. Чараны ачып, "Яшьлек" комплексы директоры Фәрит Галимов  катнашучыларны сәламләде, барысын да котлап, эшләрендә уңышлар, тыныч күк йөзе һәм җиңүләр теләде. Шулай ук Балтач юл төзү һәм ремонтлау идарәсе начальнигы Илдар Җиһангиров һәм баш архитектор Радмир  Хөснияровлар котлау һәм рәхмәт сүзләре белән чыгыш ясадылар.

Җанатарларның актив ярдәме белән бәйрәмдә иң кыю һәм актив катнашучылар 30 метрга йөгерү, пресс, тартылу, урыннан озынлыкка сикерү, гер күтәрү һәм йөзү буенча ГТО нормативларын тапшырдылар. Нормативлар тапшырылганнан соң, теләүчеләр  армрестлинг һәм йөзү буенча  ярышларда актив катнаштылар, аларның нәтиҗәләре буенча грамоталар, медальләр һәм истәлекле бүләкләр тапшырылды.