Районыбызда өмәләр гөрләп уза

Апрель ае чисталык таләп итә торган ай. Бөтен дөнья яшәрә, уяна башлый. Ләкин табигать уяну белән без дә игьтибарсыз калмаска тиеш. Кар астыннан чыккан чүпләрне җыештыру, карларны тарату – язгы иң мөһим эшләрдән санала. Балтач районы учреждениеләре һәм оешмалары хезмәткәрләре әйләнә-тирәне кардан арындыру һәм урамнарны җыештыру өчен күмәкләп өмәләргә чыгалар.  Халык кулларына көрәк тотып якын-тирә территорияләрне кар һәм боздан чистарталар, кар астыннан чыккан чүп-чарны җыялар. Әлеге өмәләр безнең районда традициягә әйләнде дияргә мөмкин. Әйләнә-тирәбездә чисталык урнаштыру буенча өмәләр алдагы көннәрдә дә булачак. Шундый өмәләр халыкның дус һәм бердәм булуына ачык мисал.