Өендә аны сөекле хатыны көткән...

Украинадагы махсус операция барышында Башкортстанның бишенче егете һәлак булган.

Украинадагы махсус операция барышында Башкортстанның тагын бер кешесе Ильвир Галләмов һәлак булган. Бу хакта бүген, 11 март көнне, Шәрип авыл советы белгече Вадим Шапилов хәбәр иткән.

Илвир Галләмов Кушнарен районының Калтай авылында туган. Калтай урта мәктәбен тәмамлый. 2015 елда Казан югары танк команда училищесына укырга керә. Укуын тәмамлаганнан соң, 2020 елда контракт буенча хезмәтен башлый.

- Аның хатыны һәм әти-әнисе калды. Хушлашу бүген булачак. Аңа Башкортстан башлыгы килергә тиеш, - дип сөйлгәннәр авыл советы хакимиятендә.

ufa1.ru