Кайбер россиялеләр 25 гыйнварга кадәр Пенсия Фондыннан 10 мең сум акча алачак

Мондый шатлык кемнәргә елмаячак соң?

Дәүләттән түләүләргә 1,5 яшькә кадәрге балалары булган эшсез россиялеләр, шулай ук репрессиягә дучар ителгән һәм реабилитацияләнгән гражданнар исәп тота ала.

Россия Пенсия фонды хезмәткәрләре 25 гыйнварга кадәр балалы гаиләләргә, шулай ук репрессиягә дучар ителгән һәм реабилитацияләнгән гражданнарга пособие күчерергә сүз биргәннәр. Кайбер очракларда түләү суммасы 10 мең сумга җитәчәк.

Гражданнарга ярдәм итү өчен акча халыкны социаль яклаудан Пенсия Фондына кергән. TopDayNews порталы хәбәр итүенчә, россиялеләргә акчаларны 2022 елның 1 гыйнварыннан күчерә башлаганнар. Пособиене почта бүлегендә дә, шунда ук банк картасына да алырга була.

"Февральгә кадәр пособиеләр һәм компенсацияләрне элек социаль яклау органнары тарафыннан билгеләнгән яки түләнгән кешеләр алачак. Бу гыйнвар ае өчен түләүләрне вакытыннан алда китерү булачак, ул стандарт график буенча февраль аенда гамәлгә ашырыла. Ул 2 миллионнан артык кешегә киләчәк", - диелә РФ Пенсия фонды хәбәрендә.

Фондта аңлатуларынча, пособиеләр 1,5 яшькә кадәрге балалары булган эшсез ата-аналарга (яки опекуннарга) тиеш. Дәүләттән ярдәмгә үз баласын тәрбияләгән яки уллыкка алынган баланың эшләмәүче ата-анасы исәп тота ала. Шулай ук компенсацияне үлгән хәрби һәм көч ведомстволары хезмәткәрләренең гаиләләре алачак.

Элегрәк Президенты Владимир Путин тагын бер категория гражданнар өчен түләүләрне индексацияләргә тәкъдим иткән иде. Пенсияләрнең артуына 2,6 млн өлкән яшьтәге россиялеләр исәп тота ала.