Кушнарен районында бер күлдә балыклар күпләп тонуы күзәтелгән

Кушнарен районын Әхмәт авылы тирәсендәге күлдә экологик һәлакәткә тап булганнар.

Кушнарен районын Әхмәт авылы тирәсендәге күлдә экологик һәлакәткә тап булганнар.

Кушнарен районын Әхмәт авылы тирәсендәге Мәнәзе күлендә билгесез сәбәпләр белән балыклар күпләп тонган. Үле балыкларны дулкын яр буена чыгарган. Шаһитлар бу хәл турында социаль челтәрдә уртаклашкан.

Шәрехләүләргә игътибар иткәндә, мондый хәл былтыр да күзәтелгән булган. Әлеге һәлакәтне берәүләр эссе көннәр нәтиҗәсе, дип исәпли. Икенчеләр күлгә агулы химикат агып төшкәндер, дигән фикердә. Балыклар электрокармак тәэсиреннән тонган дигән фикерне белдерүчеләр бар.

Нинди генә сәбәп булса да, табигатькә бу кадәр зыян килүе яхшыга түгел. Белгечләр экологик һәлакәт сәбәпләрен ачыклау белән шөгыльләнә.

Чыганак.