Балтачта юл-транспорт һәлакәтендә велосипедлы бала һәлак булган

Иске Балтач—Иске Яхшый авыллары арасында юл-транспорт һәлакәтендә велосипедлы бала һәлак булган.

Иске Балтач—Иске Яхшый авыллары арасында юл-транспорт һәлакәтендә велосипедлы бала һәлак булган.

Һәлакәт 17 июль кичендә, 22 сәгатьләр тирәсендә теркәлә. Башлангыч мәгълүматлар буенча, ВАЗ-2114 руле артында 40 яшьлек водитель велосипедта юлны кисеп чыккан ун яшьлек малайны бәрдергән. Бала алган җәрәхәтләрдән авария урынында һәлак булган.

Юл-транспорт һәлакәте күз күреме түбән шартларда теркәлгән. Бу мәлне көчле яңгыр яуган. Шаһитлар сүзләренә караганда, көчле яңгырдан качып, урамда уйнаган балалар өйләренә ашыккан.

Тикшерү нәтиҗәләре буенча шофер аек булган. Тикшерү эшләре бара, дип хәбәр итә Башкортстан Республикасы ЮХИДИ идарәлгеге мәгълүмат порталы.