+6 °С
Облачно
Җәмгыять
15 Июня 2020, 11:30
Балтач районы авылларында мал асрау тәртибен бозуга юл куела
Балтач районында агымдагы елның биш аенда мал асрау тәртибе бҗелән исәпләшмәгән 14 граждан 1000әр сум штрафка тарттырылган.
Балтач районында агымдагы елның биш аенда мал асрау тәртибе бҗелән исәпләшмәгән 14 граждан 1000әр сум штрафка тарттырылган.
Районның барлык авылларында да малларны көтүләү оештырылган. “Элекктр көтүчесе” белән җиһазландырылган көтүлекләр саны да арта бара. Бер караганда мал-туарны көтүләү элекке белән чагыштырганда хәзер уңайлырак һәм бернинди дә проблема булмаска тиеш сыман. Ләкин маллар асрау тәртибе белән исәпләшмәгән гражданнар һаман да бар әле. Авылларда да, район үзәгендә дә көтүгә чыгарылмый, иркендә көтүленгән маллар бихисап. Алар хуҗалыклар басуларына да зыян китерә.
Мал-туар асрау тәртибен район Хакимияте административ комиссиясе контрольдә тота. Бу комиссия составына авыл җирлекләре хакимиятләре башлыклары да кертелгән.
“Башкортстан Республикасы Административ хокук бозулар кодексы” 7.3 статьясы тталәпләренә ярашлы, мал-туар хуҗалары терлекләрен ихатада асрарга яки көтүдә йөртергә тиеш. Авыл урамнарында, сквер, паркларда һәм башка җәмәгать урыннарында малларның иркенләп йөрүе тыела.
Мал –туар асрау тәртибе белән исәпләшмәгән гражданнар – 1000 сумнан 3000 сумга кадәр; вазифалы шәхесләр – 5000 сумнан 8000 сумга кадәр; юридик берәмлекләр -15000 сумнан 20000 сумга кадәр административ штрафка тарттырыла.
Агымдагы елның биш аенда юггарыда әйтелгән статья буенча районда 14 хокук бозучы административ җаваплылыкка тартылган. Аларның һәркайсы а 1000әр сум штраф түләгән.
Алга таба, әлеге статья буенча, хокук бозуларны ачыклау һәм хокук бозучыларны җавапка тарттыру алга таба да дәвам итәчәк.
Редакцияне сайлау
