Башкортстанда 50 кеше коронавирусны авыр формада кичерә

Башкортстан хөкүмәтендә узган киңәшмәдә Сәламәтлек саклау министры Максим Забелин төбәктә коронавирус таралу буенча соңгы мәгълүматларны хәбәр итте.#коронавирус#здоровье

Добавить в предпочтительные источники Google

Башкортстан хөкүмәтендә узган киңәшмәдә Сәламәтлек саклау министры Максим Забелин төбәктә коронавирус таралу буенча соңгы мәгълүматларны хәбәр итте.

Тәүлек эчендә авыруның 79 яңа очрагы ачыкланган, ә Башкортстанда зарарлану саны 3201 очракка җиткән. Шул ук вакытта 885 кеше стационарда дәвалана: 550 пациент канәгатьләнерлек хәлдә, 284 кеше уртача авыр хәлдә, 50 кеше авыр хәлдә. Ун авыру ИВЛ аппаратлары ярдәмендә сулыш ала.

1007 кеше савыккан - тәүлек эчендә медиклар 59 пациентны чыгарган. Бүгенге көндә Башкортстанда ковидлы койкаларның 48 проценты биләнгән — хастаханәләрдә расланган коронавирус белән авыручылар һәм аны ачыклау куркынычы югары булган авырулар дәвалана.

— Коронавируслы пациентларның күбесен йогышлы авыруларны дәвалау өчен махсуслашкан яңа үзәккә туплау турында уйларга кирәк, — дип билгеләп үтте Радий Хәбиров. — Чөнки 48 хастаханәдә зарарланган кешеләр ятуы мине бик борчый иде. Бу санны киметергә кирәк.

Чыганак: https://news.mail.ru/society/41966120/?frommail=1

Фото: https://go.mail.ru/search_images?gp=900400&fm=1&rf=171633&q=%D0%BA%D0%BE%D1%80%D0%BE%D0%BD%D0%B0%D0%B2%D0%B8%D1%80%D1%83%D1%81%20%20%D1%84%D0%BE%D1%82%D0%BE&frm=web#urlhash=1953624512315479201

Читайте нас