+14 °С
Облачно
Җәмгыять
18 Мая 2020, 15:00
29 май көнне Башкортстанда хәмер сатылмаячак
Башкортстан дәүләт сәүдә комитеты мәктәпләрдә “Соңгы кыңгырау “ бәйрәмен үткәрү көнендә — 29 майда хәмер сатуны тыю турында кисәтте.
Башкортстан дәүләт сәүдә комитеты мәктәпләрдә “Соңгы кыңгырау “ бәйрәмен үткәрү көнендә — 29 майда хәмер сатуны тыю турында кисәтте.
Быел коронавирус пандемиясе аркасында Башкортстан Мәгариф министрлыгы беренче тапкыр 23 майда игълан иткән датадан соңгы кыңгырауны 29 май көнендә үткәрергә күчерде.
Искәртеп узабыз, узган елның язында БР Дәүләт Җыелышы — Корылтай депутатлары “Этил спирты, алкогольле һәм спиртлы продукция җитештерү һәм әйләнеше өлкәсендә эшчәнлекне җайга салу һәм Башкортстанда алкоголь продукциясен куллануны (эчүне) чикләү турында”гы республика законының 6.2 статьясына үзгәреш кертү хакында” Закон кабул итте. 27 июнь —Яшьләр көне, Белем көне һәм Сабантуйлар уздырылган көннәрдә кибетләрдә хәмер сатуны тыйдылар.
Көзге сессиядә шул ук законга янә үзгәрешләр кертелде. Бу юлы чикләү Яңа ел каникулларына кагылды. 3 гыйнварда төбәктә хәмер сатуны тулысынча тыйдылар. 4-6 гыйнварда чикләү үз көченә керде, әмма иртәнге сәгать 10нан 14 сәгатькә кадәр кибетләрдән хәмер продукциясен сатып алырга мөмкин иде.
Башинформ
Редакцияне сайлау
