Борай районы Таңатар авылында янган йортта ике кешенең үле гәүдәсе табылган

Борай районы Таңатар авылында акылга зәгыйф инвалид ике кешене кыйнап һәлак иткән.

Борай районы Таңатар авылында акылга зәгыйф инвалид ике кешене кыйнап һәлак иткән.

Борай районы Таңатар авылында шушы көннәрдә бер өйгә ут капкан. Янгынны сүндерү барышында йорт хуҗасы—63 яшьлек ирнең үле гәүдәсен тапканнар.

Тикшерүчеләр аны гәүдәсе өлкәсендәге чәнчелгән ярадан һәлак булуын ачыклаган. Янгыннан зыян күргән йортта икенче көнне 38 яшьлек ханымның да үле гәүдәсенә тап булганнар.

Ачыклануынча, узган җомгада йорт хуҗалары кунаклар кабул иткән. Бермәлне йорт хуҗасы һәм арадагы бер кунак арасында конфликт чыккан. Кунак пычак эләктереп алган да, йорт хуҗасына чәнечкән. Яраланучы шундук һәлак булган. Аннары кунак,таяк алып, хуҗабикәне кыйнарга керешә. Үтергәнче тукмый. Кансыз кунакны кулга алалар. Ул, акылга зәгыйф, икенче төркем инвалиды булып чыга. Өйгә ут төртүдә ул гаепледерме, түгелдерме, монысы билгесез, дип яза "Алга".

Җинаятьне тулысынча ачыклау эше җәелдерелгән.

Чыганак.

Читайте нас