Баймак түрәләре нигә бай?

Баймак алтынга да, көмешкә дә бай дип җырларга ярата икән бу төбәктә яшәүчеләр. “Моннан соң Баймакның түрәләре дә ифрат бай дип җыр сузарлармы икән?!” — дип яза “Башкортостан” гәзите хәбәрчесе Венер Исхаков гәзитнең сайтында.

Баймак алтынга да, көмешкә дә бай дип җырларга ярата икән бу төбәктә яшәүчеләр. “Моннан соң Баймакның түрәләре дә ифрат бай дип җыр сузарлармы икән?!” — дип яза “Башкортостан” гәзите хәбәрчесе Венер Исхаков гәзитнең сайтында.

Республика җитәкчесе Радий Хәбиров үзе бу хакта хәйран калып социаль селтәрдә язган. "Республиканың Контроль-исәп палатасы тикшерүеннән соң монда элекке түрәләрнең ни өчен властька ябышып ятулары ачыкланды. Районнарда шактый тикшерү үткәрелде, әмма моның кебек үк закон бозулар беркайда да юк. Чагыштырмача бәләкәй муниципалитетта зыян биш миллиард сумга җитә. Җинаять эше кузгатырлык 160тан артык факт ачыкланды", — дип хәбәр итә ул.

Торак фонды эшчәнлегендә дә акчаны законсыз үзләштерү очраклары күп. Әлегә алар җиде миллиард сум исәпләнә.

Куллары үзләренә табан кәкрәйгән элекке түрәләрне акылга утырту чарасы табылса ярый ла.

Автор: Венер ИСХАҠОВ.

"Башкортостан"