-5 °С
Болытлы
Барлык яңалыклар
Җәмгыять
23 Май 2019, 16:19
Мәҗбүри медицина иминияте полисы алу тәртибендә үзгәрешләр бар
Русиядә мәҗбүри медицина иминияте полисы алу тәртибен гадиләштерәчәкләр.
Русиядә мәҗбүри медицина иминияте полисы алу тәртибен гадиләштерәчәкләр. Бу хакта илнең Сәламәтлек саклау министрлыгы хәбәр иткән, дип яза чыганак.
Билгеле булуынча, полисны алмаштырганда, яңасы әзер булганчы, кулга вакытлыча документ бирелә. Моңарчы ул 30 эш көне дәвамында гамәлдә булса, хәзер 45 көн эшкә яраячак.
Вакытлыча бирелгән полис медицина ярдәме күрсәтү программасына кергән барлык хезмәтләрдән файдалану мөмкинлеге бирә, дип ассызыклаган белгечләр. Шуңа күрә табибка шикләнмичә мөрәҗәгать итә аласыз.
Мәҗбүри медицина иминияте полисын алу тәртибендә дә үзгәрешләр бар: гаризаны мәҗбүри медицина иминиятләштерүе фондының төбәк бүлекләре сайты, дәүләт хезмәтләре порталы аша гына да тапшырырга рөхсәт итәчәкләр. Электрон имза булган очракта, әлбәттә. Документларны күп функцияле үзәкләр аша юлларга да мөмкин. “Яңа кагыйдәләр медицина иминияте оешмаларының вәкаләтләрен дә арттырачак. Мәсәлән, пациентларга профилактика чаралары узарга кирәклеге турында шәхсән мәгълүмат җиткерү мөмкинлеге каралган”, – дигән Бөтенроссия иминиятләштерүчеләр берлеге вәкиле Андрей Рыжаков.
Хәзер кәгазь полис урынына пластик карта да алырга ярый. Соңгысы күпкә җайлырак та әле. Пластик карта хуҗасы турында бөтен мәгълүматны электрон рәвештә саклый. Шуңа күрә поликлиника яки хастаханәгә үзең белән паспорт йөртүнең кирәге калмаячак. Полисның кайсы төрен сайларга икәнен һәркем үзе хәл итәчәк. Алар икесе дә тигез хокуклы булачак. Электрон документ гамәлгә керүгә карамастан, кәгазь полислы пациентларга медицина ярдәме күрсәтүдән туктамаячаклар.
Читайте нас:
Редакцияне сайлау
© 2024 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан».
Новости Балтачевского района
Балтач районы яңалыклары
Балтас районы яңылыҡтары
Новости Балтачевского района Республики Башкортостан
Башкортстан Республикасы Балтач районы яңалыклары
Новости Республики Башкортостан
Башҡортостан Республикаһы яңылыҡтары
Башкортстан Республикасы яңалыклары
Балтач районын увер
Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571