Балтач таңнары
-26 °С
Болытлы
9 май - Җиңү көнеЯндекс-ДзенВКонтактеТелеграмОК
Барлык яңалыклар
Җәмгыять
21 Май 2019, 13:53

Чуртанлыкүлне аккошлар үз итте

Чуртанлыкүлгә төшкән аккошлар саны елдан-ел арта бара. Быел 48 аккош күл суларын үз иткән.

Чуртанлыкүлгә төшкән аккошлар саны елдан-ел арта бара. Быел 48 аккош күл суларын үз иткән.



Туган ягыбызның матур табигатен аккошлар бик ярата, шулай булмаса ел да күпме юллар үтеп кайтырлар иде микән? Әйе, ел саен авылыбыз күле суларында аккошлар күренгәли. Әмма быелгы кадәр хозур күренешкә тап булганыбыз юк иде әле. Узган елны күлгә 12-15 аккош төшкән булса, быел бу көннәрдә Чуртанлыкүл суларында 48 аккош йөзә.
Аккошлар - табигатьнең йөзек кашлары. Әлеге зиннәтле, горур кошлар үзләренә иң матур, иң җимле, иң мәрхәмәтле урыннарны гына сайлыйлар. Чуртанлыкүл авылындагы күлне үз иткәннәр икән, димәк, биредә аларга рәхәт, димәк аның халкы да аларга мәрхәмәтле. Чөнки аккошлар – чисталык, мәхәббәт һәм тугрылык символы булып торалар.
1 май конне ир-егетләр авыл зиратында өмәдә булсалар, хатын- кызлар һәм бала-чагалар күл тирәли чүп-чар җыеп, сулык тирәсен тәртипкә китерделәр. Халыкның бердәмлегенә, уңганлыгына сокланган кебек аккошлар да күл уртасыннан аларны кузәтеп тордылар, курыкмадылар, очып китмәделәр.
Аккошларның матурлыгын күрергә авыл кешеләре генә түгел, читтән килүчеләр дә куп булды. Килүчеләр аккошларны фоторәсемгә төшерделәр.
Бу сылу һәм горур кошлар авыл кешеләренең йортларына бәхет һәм муллык алып килсен иде, дигән теләктә каласы килә.

Гөлнара МИФТАХОВА
Югары Карыш урта мәктәбенең тәрбия эшләре буенча директор урынбасары
Читайте нас в

© 2020 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан». 

Новости Балтачевского района

Балтач районы яңалыклары

Балтас районы яңылыҡтары   

Новости Балтачевского района Республики Башкортостан

Башкортстан Республикасы Балтач районы яңалыклары

Новости Республики Башкортостан

Башҡортостан Республикаһы  яңылыҡтары

Башкортстан Республикасы яңалыклары

Балтач районын увер

Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571
Яндекс.Метрика