Иске Ямурзада яугирләр истәлегенә куелган обелиск тирәсен яшелләндерделәр

Иске Ямурзада , "Яшел Башкортстан" истәлеге булып, яугирләр истәлегенә куелган обелиск тирәсе яшелләндерелде.

Добавить в предпочтительные источники Google

Иске Ямурза авылы халкы „Яшел Башкортстан” акциясе чикләрендә Бөек Ватан сугышында катнашкан һәм башларын салган авылдашлары истәлегенә куелган һәйкәл тирәсен яшелләндерү эшендә катнашты.

—Бөек Җииңүнең 74 еллыгын лаеклы каршылау фронтында да изге эшләребезнең берсе бу,—ди Сәйтәк авыл җирлеге Хакимияте башлыгы Эльза Фаюршина, авылдашларының яшелләндерү өмәсенә бердәм кушылуын билгеләп.

Иске Ямурзада Бөек Ватан сугышында катнашкан һәм башларын салган авылдашлары истәлегенә обелискны былтыр куйганнар иде. „Яшел Башкортстан” акциясе истәлеге булып, берничә елдан аның тирәсе яшеллеккә дә күмелер. Биредә 60 төп төрле агачлар утыртылды.

—Обелиск тирәсен киртәләп алу бурычы да тора,—ди җирле хакимият башлыгы„ авылда "Яшел Башкортстан” акциясе дәвам итәчәген белдереп.