Көнтүгеш тирәсендәге сулыкка аккошлар төшкән

Бүген Көнтүгеш тирәсендәге Ким Галин буасына бер пар аккош төшкән.

Бүген Көнтүгеш тирәсендәге Ким Галин буасына бер пар аккош төшкән.

Табигатьтәге матур күренешләр турында фото, видеофайллар белән уртаклашулар яз көннәрендә аеруча активлаша. Шулай булырга тиеш тә, чөнки көннәр язга авышу белән, халык тирә-юнь матурлыгы белән хозурланырга табигать кочагына ашыга.

Аккошлар безнең якларда сирәк очрый. Оя кору урыннарына юл уңаеннан алар безнең төбәк елга күлләрендә тукталып китәләр.

Бүген Көнтүгештә яшәүче Гөлчибәр Әхмәтгалиева авыл тирәсендәге Ким Галин буасына төшкән аккошлар видеосы белән WhatsApp мессенджерында уртаклашты.

Буа 2010 елда булдырылган. Анда җәен-кышын ял итүчеләр сукмагы суынып торганы юк. Туристлар гына түгел, буаны аккошлар да үз итә. Бирәдә аларның моңа кадәр дә тукталганы бар иде.