+3 °С
Болытлы
Барлык яңалыклар
Җәмгыять
10 апрель 2019, 11:37
Башкортстанда кичке сәгать 10нан иртәнге 10га кадәр алкоголь сатуны тыярга тәкъдим итәләр
«Башинформ» мәгълүмат агентлыгы хәбәр итүенчә, әлеге вакытта республика авылларында барган гражданнар җыенында катнашучылар алкоголь сатуны тыю вакытын кичке сәгать 10нан иртәнге 10га кадәр арттырырга тәкъдим итә. Хәзер Башкортстан магазиннарында төнге 11дән иртәнге 8гә кадәр спиртлы эчемлекләр белән сәүдә итү тыела.
«Башинформ» мәгълүмат агентлыгы хәбәр итүенчә, әлеге вакытта республика авылларында барган гражданнар җыенында катнашучылар алкоголь сатуны тыю вакытын кичке сәгать 10нан иртәнге 10га кадәр арттырырга тәкъдим итә. Хәзер Башкортстан магазиннарында төнге 11дән иртәнге 8гә кадәр спиртлы эчемлекләр белән сәүдә итү тыела.
Башкортстан Башлыгы Хакимияте җитәкчесе Александр Сидякин республика Хөкүмәтендәге оператив киңәшмәдә «алкогольгә каршы» сходларның йомгаклары буенча шундый тәкъдим турында әйтте.
Республика Башлыгы вазифасын вакытлыча башкаручы Радий Хәбиров халыкның тәкъдимен хуплады һәм Дәүләт Җыелышы депутатларына май аенда шушы мәсьәлә буенча парламент тыңлаулары үткәрергә кушты.
«Гомумән, бар нәрсәне тикшерегез. Тәүге чиратта, кануният, инструментарий торышын. Мин бизнесны юкка чыгармау өчен мөмкин булган чикләү чараларына бик сакчыл карарга тырышам. Ләкин сез карагыз. Нәрсәнедер катгыйлаштырырга, төзәтергә кирәк икән, рәхим итеп, эшләгез, — дип йомгак ясады Радий Хәбиров. — Гражданнар сходының эшен тикшерегез. Авыл биләмәләре башлыкларын чакырыгыз, алар дөресен сөйли. Бәлки, шуның нигезендә сез дә безгә берәр тәкъдим кертерсез».
Шәһәрләрдә һәм авылларда халык җыелышларын үткәрү тәкъдимен республика Башлыгы вазифасын вакытлыча башкаручы Радий Хәбиров кертте. Бу хакта ул бер ай элек Борай районында республиканың төньяк-көнбатыш районнарының авыл биләмәләре башлыклары өчен семинар-киңәшмәдә чыгыш ясаганда белдерде. Аның әйтүенчә, сходларны «формаль булмаган шартларда һәм сыйфатлы» үткәрергә кирәк.
Бутлегерлар белән көрәштән тыш, урындагы халык башка әһәмиятле һәм көнүзәк мәсьәләләрне дә тикшерә. Алар арасында халыкның янгын хәвефсезлеген тәэмин итү, торак пунктларда асфальт түшәү өчен төп урамнарны билгеләү һәм башка мәсьәләләр бар.
Читайте нас в
© 2020 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан».
Новости Балтачевского района
Балтач районы яңалыклары
Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571