+13 °С
Болытлы
Барлык яңалыклар
Җәмгыять
1 февраль 2019, 16:10
Тучыбай авылында халыкка ял итү урыны булдырылачак
Тучыбай авыл җирлегендә яшәүче халык Урындагы башлангычларны яклау программасында теләп катнаша.
Тучыбай авыл җирлегендә яшәүче халык Урындагы башлангычларны яклау программасында теләп катнаша.
Мәсәлән, 2016нчы, 2017нче елларда бу программа аша авыл җирлегендәге зиратларны киртәләп алганнар. Тучыбай авылының зиратын киртәләргә 380 мең сум, ә Иске Каргалы авылында ике зиратны киртәләргә 700 мең сум тотынылган, шуларның 500 мең сумы субсидия рәвешендә республика бюджетыннан бүленгән.
Тучыбайлылар быел да Урындагы башлангычларны яклау программасында катнашырга теләк белдерделәр. Һәм узган елның ноябрь аенда авыл халкы үзен борчыган мәсәләләрне хәл итү буенча сөйләшүгә мәктәп бинасына җыелды. Җыелышта 44 (кворум җитә) кеше, район Советы Секретаре Расих Акберов һәм район Хакимияте башлыгының финанс мәсьәләләре буенча урынбасары, районның финанс идарәсе начальнигы Альбирт Хәмитов катнашты.
Альбирт Әлфит улы программаның 4 этаптан торганлыгы турында аңлатып үтте. Проектның беренче этабы халык җыелышыннан тора, 2нче этап — проектлар конкурсы, 3нче этап конкурсның — сайлап алу туры. 3нче этапта 12 критерий буенча баллар исәпләнә. Һәм дүртенче этап проектны — тормышка ашыру.
Аралашу вакытында төрле фикерләр әйтелде. Шуларның берсен — Тучыбай авылының Колхоз урамын төзекләндерергә кирәклеге турында авыл старостасы Фәйзехан Яхин әйтте. Ә Альбирт Хәмитов: “Урындагы хакимият белән бу проблема турында алдан сөйләшү алып барылган иде, 2019 елда бу урамда төзекләндерү эшләре башланачак,” – дип ышандырды.
Фикер алышудан соң авыл халкы Тучыбай авылында клуб артындагы спорт-уен мәйданчыгына җиһазлар алырга һәм яңартып корырга кирәк дип килеште. Һәм аны киртәләп алып, махсус спорт җиһазлары алып, анда спорт мәйданчыгы эшләргә дигән уртак фикергә килделәр.
Очрашу барышында инициатив төркем әгъзалары сайланды. Аның составына алты кеше кертелде. Алар: Альмира Шәймиева, Фәйзехан Яхин, Ильшат Нигәмаев, Айдар Бәдртдинов, Галина Шәехова һәм Рәвилә Шәйхлиевалар.
Проектны тормышка ашыруга Тучыбай авылы халкы бар тырышларын һәм көчләрен салыр дип ышанам.
Радим ГЫЙЛӘҖЕВ.
Читайте нас:
© 2024 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан».
Новости Балтачевского района
Балтач районы яңалыклары
Балтас районы яңылыҡтары
Новости Балтачевского района Республики Башкортостан
Башкортстан Республикасы Балтач районы яңалыклары
Новости Республики Башкортостан
Башҡортостан Республикаһы яңылыҡтары
Башкортстан Республикасы яңалыклары
Балтач районын увер
Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571