+12 °С
Яңгыр
Барлык яңалыклар
Җәмгыять
17 гыйнвар 2019, 12:20
Түбән Сикияз авылында мәңгелек йорт тәртипкә китереләчәк
Урындагы башлангычларны яклау программасы авыл җирендә беренче чиратта хәл итәсе күп мәсьәләләрне хәл итүгә булышлык күрсәтә.
Урындагы башлангычларны яклау программасы авыл җирендә беренче чиратта хәл итәсе күп мәсьәләләрне хәл итүгә булышлык күрсәтә.
Без яшәгән Түбән Сикияз авыл җирлегенең Түбән Сикияз авылында узган елда нәкъ шушы программа чикләрендә авыл мәдәният йортының җылыту системасы яңартылды, бинаның эче ремонтланды. Күзгә күренерлек нәтиҗә биргән проект агымдагы елда да тормышка ашырылачак дигән хәбәрне сөенеп кабул иттек һәм анда тагын катнашырга теләк белдердек.
Узган елның ноябрь аенда, 2019 елда проектта катнашу, аның чикләрендә хәл итәсе проблеманы карау буенча сөйләшүгә җыелдык. Авыл җирлеге бинасында үткән җыенда 42 кеше катнашты. Чарага район Советы Секретаре Расих Акберов, проектны тормышка ашыру эше буенча куратор — районның финанс идарәсе начальнигы Альбирт Хәмитов килде.
Җыен барышында халык 2019 елда да проектта катнашырга дигән уртак фикергә килде. Хәл итәсе мәсьәлә ачыкланды. Быел Түбән Сикияз авылында авыл зиратын әйләнәгә заманча материалдан рәшәткәләп алу, мәйданын киңәйтү турында килешенде. Проектны тормышка ашыру буенча инициатив төркем сайланды. Төркем җитәкчесе итеп авыл имам-хатибы Вәсил Газизов кандидатурасы тәкъдим ителде һәм бертавыштан хупланды.
Узган елда инициатив төркем әгъзасы булган Рәмзия Акберова секретарь итеп сайланды. Халык арасында абруе булган, сүзе үтә торган Рәмзия ханым узган елда да эшне яхшы оештыруга көч салды. Быел да сынатмас.
Узган елда проектны тормышка ашыруга үз өлешләрен керткән авылдашларга рәхмәт белдерәсе, бу юлы да актив катнашырбыз, дип ышанасы килә.
Зәки МИФТАХОВ, ветераннар советы рәисе.
Читайте нас:
© 2024 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан».
Новости Балтачевского района
Балтач районы яңалыклары
Балтас районы яңылыҡтары
Новости Балтачевского района Республики Башкортостан
Башкортстан Республикасы Балтач районы яңалыклары
Новости Республики Башкортостан
Башҡортостан Республикаһы яңылыҡтары
Башкортстан Республикасы яңалыклары
Балтач районын увер
Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571