-6 °С
Болытлы
Барлык яңалыклар
Җәмгыять
21 декабрь 2018, 10:37
Башкортстан Конституциясенә – 25 ел
Уфаның “Конгресс-холл” бинасында “Башкортстан Республикасы Конституциясенә 25 ел: нәтиҗәләр һәм үсеш перспективалары” дигән темага Гомумрусия конференциясе үтте. Анда илнең төрле төбәкләреннән килгән юристлар һәм башка белгечләр катнашты.
Уфаның “Конгресс-холл” бинасында “Башкортстан Республикасы Конституциясенә 25 ел: нәтиҗәләр һәм үсеш перспективалары” дигән темага Гомумрусия конференциясе үтте. Анда илнең төрле төбәкләреннән килгән юристлар һәм башка белгечләр катнашты.
– 1993 елда, ил бүлгәләнү алдында торганда мондый хокукый документ әзерләү мотлак рәвештә кирәк иде. Күрүебезчә, ул җәмгыятьне туплады һәм аның үсешенә зур өлеш кертте. Русиянең көче – аның составына кергән субъектларның күпмилләтле булуында. Шушы үзенчәлек тә Конституциядә чагылыш тапты. Гомумән, бу безнең демократик мохиттә яшәячәгебезнең нигезе булды.
Конституциягә ниндидер бик мөһим вакыйга булган очракта гына үзгәреш кертелә. Бездә бу таләп тулысынча үтәлә, – диде республика Башлыгы Хакимияте җитәкчесе Александр Сидякин, конференциядә катнашучыларны сәламләп.
– Конституцияне төзүдә 90га якын кеше катнашты. Ул 3 ел дәвамында төрлечә үзгәртелде, төрле дискуссияләр булды, фәнни конференцияләр оештырылды, аннан соң гына рәсми рәвештә кабул ителде. 25 ел вакыт эчендә, әлбәттә, ул берникадәр үзгәрешләр кичерде. Бу җәмгыятьнең үзгәрүенә дә бәйле, әмма без тәү башлап кабул иткән республиканың хокукый базасы әле дә саклана, – диде республика Конституцион Суды рәисе Зөфәр Еникеев.
Көннең икенче яртысында Башкортстанның Дәүләт Җыелышы-Корылтай Рәисе Константин Толкачев катнашлыгында әлеге датага багышланган тантаналы җыелыш үтте. Чыгышында республика парламенты җитәкчесе Төп Законның мөһим әһәмиятен сызык өстенә алып, Башкортстан халкын бу бәйрәм белән котлады.
Чыганак:“Кызыл таң”
Читайте нас:
Редакцияне сайлау
© 2024 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан».
Новости Балтачевского района
Балтач районы яңалыклары
Балтас районы яңылыҡтары
Новости Балтачевского района Республики Башкортостан
Башкортстан Республикасы Балтач районы яңалыклары
Новости Республики Башкортостан
Башҡортостан Республикаһы яңылыҡтары
Башкортстан Республикасы яңалыклары
Балтач районын увер
Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571