Балтач таңнары
-20 °С
Болытлы
Барлык яңалыклар
Җәмгыять
21 сентябрь 2018, 18:10

Балтачта Өлкәннәр көне лаеклы үтәчәк

Өлкән яшьтәге гражданнарның социаль статусын яклау, җәмәгатьчелек игътибарын олы яшьтәгеләр проблемасына җәлеп итү максатыннан район Хакимияте „Районда Өлкәннәр көнен үткәрү турында”гы карар чыгарды.

Өлкән яшьтәге гражданнарның социаль статусын яклау, җәмәгатьчелек игътибарын олы яшьтәгеләр проблемасына җәлеп итү максатыннан район Хакимияте „Районда Өлкәннәр көнен үткәрү турында”гы карар чыгарды.
Карарда Өлкәннәр көнен лаеклы үткәрү йөзеннән чаралар каралган.
25 сентябрьдән 1 октябрьгә кадәр барлык оешмаларда сугыш, хезмәт ветераннарын хөрмәтләү, хезмәт коллективы җитәкчеләре белән очрашулар оештырылачак.
Авыл җирлекләре башлыклары, „Гаилә” үзәге, „Изге уй” халыкны социаль хезмәтләндерү үзәге, үзәк район больницасы белән берлектә аз тәэмин ителгән өлкән яшьтәге һәм ялгызлары яшәгән пенсионерларга материаль, шул исәптән хәйрия һәм ташламалы шартларда социаль-көнкүреш, социаль-медицина, социаль хезмәтләр һәм ярдәм күрсәтү чараларын күәчәк.
Районның барлык белем бирү учреждениеләрендә белем алучылар башкалар ярдәменә мохтаҗ олы яшьтәге гражданнарга көнкүрештә шефлык ярдәме күрсәтәчәк.
„Шифа” аптекасы 1-10 октябрь көннәрендә пенсия яшендәгеләргә ташламалы бәяләрдә медикаментлар сатуны оештырачак.
Урындагы басмада бу көнгә багышланган махсус бит дөнья күрәчәк.