Балтач таңнары
-22 °С
Болытлы
Барлык яңалыклар
Җәмгыять
2 август 2018, 17:37

Балтачта Һава десанты гаскәрләре көнен билгеләделәр

Хәрби бурычларын Һава десанты гаскәр­ләрендә үтәгән балтачлылар бүген, гаскәр оешуның 88 еллыгы көнендә, бәйрәмгә җыелдылар.


Һава десанты гаскәрендә хезмәт иткән ир-егетләрнең һәммәсе зәңгәр берет киеп йөрүе белән горурлана. Бу гаскәрне “Канатлы пехота” дип йөртәләр.
Хәрби бурычларын Һава десанты гаскәр­ләрендә үтәгән балтачлылар бүген, гаскәр оешуның 88 еллыгы көнендә, бәйрәмгә җыелдылар. Бәйрәм хөрмәтенә район мәдәният сараенда тантана үтте. Зәңгәр береттагыларны район Хакимияте башлыгы Илгиз Субушев тәбрикләде. Һәвәскәр сәнгать осталары бәйрәм хуҗалары алдында концерт номерлары белән чыгыш ясады.
Десантчылар хәрби хезмәт көннәрен дә исләренә төшереп алдылар. Бәйрәм программасы чикләрендә Калашников автоматын сүтеп коруда җитезлекләрен, шулай ук кул көчләрен сынап карадылар.