Эх, волейбол, волейбол...

“Яшьлек” физкультура-савыктыру комплексында волейбол буенча турнир үтте. Ул районда барган “Спорт һәм сәламәтлек декадасы” кысаларында оештырылды.

Кызу уеннар ике мәйданда узды: беренче Лига – Иске Балтач 2нче урта мәктәбенең спорт залында, икенче Лига – “Яшьлек” комплексында.

Командалар ярышка яхшы әзерлектә килгәннәр һәм командада эшли белүләрен, осталыкларын югары дәрәҗәдә күрсәттеләр. 

Нәтиҗәләргә килгәндә, беренче Лигада Иске Балтач командасы – беренче, Бөре шәһәре командасы – икенче, Борай районы командасы өченче урынны яулады.

Икенче Лигада  Иске Балтачның “Төнге бүреләр”е беренче урынга лаек булды. Икенче урында – Югары Карыш авылы командасы. Өченче урынга “Яшьлек” физкультура-савыктыру комплексы командасы чыкты.

Җиңүче һәм призер командаларны котлыйбыз! Спорт белән һәрчак шулай дус булыйк!