Республика турнирыннан медальләр белән!

Уфа шәһәрендә эстетик гимнастика буенча "Реверанс" республика турниры узды.

Балтачлылар да әлеге зур чарадан читтә калмады. Турнирда 8-10 яшьләр категориясендә "Яшьлек" физкультура-савытыру комплексы тәрбияләнүчеләре - "Агыйдел-Феерия" командасы катнашты.

Яшь йолдызчыкларыбызга катлаулы элементларны матур һәм нәфис итеп эшләргә кирәк иде.

Балтачлылар сынатмады. Уңышлы чыгыш ясап, Уфаның иң көчле командалары арасында көмеш медаль яуладылар.

Тренерлар Наталья Марат кызы һәм Амелия Мәхмүтовага, шулай ук йолдызчыкларыбызның әти-әниләренә тырышлыклары һәм хезмәтләре өчен олы рәхмәтебезне белдерәбез! Сезнең ярдәм белән балалар максатчан, кыю һәм тырыш булып үсә.

Афәрин, балтачлылар!