Җиңү артыннан җиңү

Балтачлылар Борайда үткән каратэ (киокусинкай) буенча “Борай көрәше” район беренчелегеннән җиңүләр белән кайтты.

Кичә Борайда каратэ (киокусинкай) буенча “Борай көрәше” район беренчелеге үтте.

Спорт чарасына Уфа, Октябрьск, Агыйдел, Бөре, Борай, Иске Балтач һәм Мишкә районнарыннан иң көчле һәм оста спортчылар җыелды.

Үз категорияләрендә Рияз Вәлиев – беренче, Алина Сафина, Назар Сираев – икенче, Алмаз Нуркаев, Рәнис Камилҗанов  өченче урынны яуладылар.

Афәрин, балтачлылар! Тренер Евгений Артосовичны һәм яшь спортчыларны котлыйбыз, киләчәктә дә уңышлар телибез!