“Яшьлек”кә – яңа автобус

Яңа ел бәйрәме алдыннан Башкортстан җитәкчесе Радий Хәбиров "Яшьлек" физкультура-савыктыру комплексына яңа заманча автобус бүләк итте.

Яңа автобус 17 урынга исәпләнгән. Анда хәвефсезлек системасына аерым игътибар бирелә - ул барлык заманча нормаларга туры килә.

Хәзер инде район спортчылары үзләренең уңайлы автобусында ярышларга тулы составта йөри алачак.

“Без мондый бүләккә бик шат! Безнең ярышларга баруларыбыз уңайлырак һәм хәвефсез шартларда узачак, бу һичшиксез, спорт нәтиҗәләренә дә тәэсир итәчәк, - дип билгелиләр яшь спортчылар.