Изге һөнәр ияләре бүләкләнде

Кичә, медицина хезмәткәрләре көне уңаеннан, "Башкортстан" дәүләт концерт залында тантаналы чара узды. Әлеге чарада балтачлылар да катнашты һәм югары бүләкләргә ия булдылар.

Рәмилә Сираҗетдинова - "БРның атказанган табибы", Айрат Таһиров - "РФ Сәламәтлек саклау отличнигы" югары исемнәренә ия булдылар, Фәридә Хәмитова - сәламәтлек саклау алдындагы казанышлары өчен медаль, Рәшит Сабиров Корылтайның Мактау грамотасы белән бүләкләнде.

Сезне чын күңелдән лаеклы бүләкләр алуыгыз белән котлыйбыз. Бу сезнең озак еллар намуслы хезмәтегез, һөнәри осталыгыгыз, сайлаган эшегезгә тугрылыгыгызга югары бәя.