Ә сез велосипедта йөрисезме?

Бүген үзәк район дәваханәсе хезмәткәрләре "Халык сәламәтлеге көннәре" акциясе кысаларында велосипедта йөрергә чыктылар.

Велосипедта йөрү вестибуляр аппаратны көйли, башны ныгыта, күзгә дә әйбәт күнегү санала. Шулай ук иммунитетны ныгыта, матдәләр алмашын көйли, ютәл белән интегүчеләргә, астма белән авыручыларга файдасы зур - сулыш юлларын ныгыта.  Стрессны киметә, иртәнге зарядка өчен велосипед иң яхшысы. Кыскасы, велосипедта йөрү - бар яклап та файдалы.

-Велосипедта йөрү - спорт, хобби һәм бер үк вакытта сәламәт яшәү рәвешенә кушылу өчен бик яхшы ысул. Велосипедта йөрегез һәм якыннарыгызны дәртләндерегез, - диләр алар.