Намуслы хезмәтләре өчен

Бүгенге тантанада Башкортстан Республикасының Дәүләт Җыелышы – Корылтай депутаты, “Газпром трансгаз Уфа” җәмгыяте генераль директоры Шамил Шәрипов Снежана Шакирҗанова һәм Алиса Абрароваларга Мактау грамотасы, Рәхмәт хаты тапшырды.

Башкортстан Республикасы Сәламәтлек саклау министрлыгының "Сәламәтлек саклау өлкәсендәге казанышлары һәм күпьеллык намуслы хезмәте өчен" Мактау грамотасы белән үзәк район дәваханәсенең участок табиб-педиатры Снежана Шакирҗанова һәм Башкортстан Республикасы Сәламәтлек саклау министрлыгының "Сәламәтлек саклау өлкәсендәге казанышлары һәм күпьеллык намуслы хезмәте өчен" Рәхмәт хаты белән үзәк район дәваханәсенең табиб-фтизиатры Алиса Абраровалар бүләкләнделәр.

Снежана Шакирҗанова  һәм Алиса Абрарова, сезне шундый уңышлар белән ихлас күңелдән тәбрик итәбез, эшләрегездә уңышлар, тормышларыгызга муллык, гаиләләрегезгә бәхет телибез.