Балтачта “Театраль карусель” фестивале гөрләде

Бүген, район мәдәният сараенда, "Театраль карусель" дип аталган мәктәп театрлары арасында район конкурс-фестивале үтте.

Әлеге фестиваль районда өченче тапкыр үтә һәм балаларны актив иҗади тормышка җәлеп итү, сәнгатькә мәхәббәт тәрбияләү максатыннан оештырыла.

Шуны билгеләп үтәргә кирәк, районда 15 мәктәп театр коллективы эшли, аларда якынча150 бала шөгыльләнә. Шуларның 60ы—7 яшьтән 11 яшькә кадәр, 88е—12—16 яшьлек сәләтле балалар.

Көн дәвамында барган фестивальдә Түбән Сикияз “Ләйсән” балалар бакчасы, Иске Балтач башлангыч белем бирү мәктәбе,  Тучыбай,  Түбән Сикияз, Югары Карыш, Иске Тимкә, Асавка,  Шәвъяды,  Сәйтәк, Штәнде, Уразай, Иске Балтач 2нче урта мәктәпләре һәм балалар иҗаты үзәге коллективлары чыгыш ясады.

Нәҗиҗәләр буенча беренче урынны Сәйтәк урта мәктәбенең “Яшь талантлар” (җитәкчесе Рәзилә Шәрифнурова) һәм  Түбән Сикияз “Ләйсән” балалар бакчасының “Ләйсән тамчылар” коллективлары яуладылар.

Икенче урынга – Иске Балтач 2нче урта мәктәбенең “Умырзая” (җитәкчеләре Лилиана Акберова, Гөлгенә Мусина)театр коллективлары чыкты.

Өченче урынга Иске Балтач башлангыч белем бирү мәктәбенең “Семицветик” (җитәкчесе Гөлназ Загирова) театр коллективы лаек булды.

Ә Гран-При балалар иҗаты үзәгенең “Театр дөньясы” (җитәкчесе Камилә Халикова) коллективында. Алар “Миңа куркыныч түгел” тамашасын сәхнәләштерделәр.

I дәрәҗә дипломга Түбән Сикияз урта мәктәбенең “Фантазеры” (җитәкчесе Елена Закирова) һәм Тучыбай урта мәктәбенең “Этюд” (җитәксесе Эльмира Гафурова), I I дәрәҗә дипломга  Штәнде урта мәктәбенең “Саумы, театр” (җитәкчесе Люция Сафина), Шәвъяды гомуми белем бирү мәктәбенең “Водевиль” (җиткәчесе Альбина Наймушина), Иске Тимкә урта мәктәбенең “Парус” (җитәкчесе Фидания Мәхмүтова), III дәрәҗә дипломга Тхбән Сикияз урта мәктәбенең “Шатлык” (җиткәчесе Елена Закирова), Югары Карыш урта мәктәбенең “Уңыш” (җитәкчесе Лилия Фәүзетдинова), Асавка Асавка гомуми белем бирү мәктәбенең “Радуга” (җитәкчесе Гөлнара Шәйхинурова), Уразай урта мәктәбенең “Муза” (җиткәчесе Эльмира Закирова) театр коллективлары лаек булды.

Шулай ук биредә номинацияләр буенча да җиңүчеләр билгеләнде.

Фестиваль-конкурс —катнашучылар һәм оештыручылар өчен бик үзенчәлекле көн булды. Ул яшь сәләтләргә үзләренең иҗади башлангычларын күрсәтергә, театр сәнгате өлкәсендә яңа белем һәм тәҗрибә тупларга мөмкинлек бирде. Бу илһам һәм иҗади гайрәт белән тулы көн иде дисәк тә була, ул һәркемне театр иҗатында үзен сынап карарга һәм яңа җиңүләр турында хыялланырга рухландырды.