Янтимерләр СВОдагы райондашларга ярдәм күрсәтә

“Пеледыш” ансамблен районда гына түгел, күрше Мишкә, Тәтешле, шулай ук Калтасы районнарында да беләләр. Алар төрле районара, зона, республика күләмендәге мәдәни бәйге, чараларда матур чыгышлары белән катнашып киләләр. Ансамбльнең җитәкчесе һәм аккомпониаторы Игнат Ильбарисов сөйли:

—Безнең репертуарда нигездә мари, рус халык җырлары, такмаклар, фольклор нигезендәге һәм патриотик биюләр, патриотик шигырьләр. Быелгы сезонда эчтәлекле программа белән районның Мишкә, Тозлыбин, Югары Янактай авылларында чыгыш ясадык. Аннан кергән акчаны СВОдагы райондашларга (авылдашларга) гуманитар ярдәм әзерләүгә тотындык...

Янтимерләр солдатларга перчаткалар, носкилар, оекбашлар, консервылар, медикаментлар, скотчлар, дымлы салфеткалар һәм башка күп кирәк-яраклар әзерләгәннәр.

Зур булмаган Янтимер авылыннан СВОда биш ир-егет катнаша. Арада кадровый офицер да бар. Контракт нигезендә алгы сызыкка юлланганнар арасында яраланганнары да юк түгел. Кыскасы, ярдәм урынлы.

Янтимер авылы үзешчәннәре хәйрия эшен алдагы айларда да дәвам итәргә җыена. Аларны уртак теләк берләштерә:

—Тизрәк бу конфликт яхшылык белән тәмамлансын! Балаларыбыз, туганнарыбыз, ватандашларыбыз исән-сау хәлдә сөенеч белән кайтсыннар!