Кыш - елның иң кырыс вакыты. Кошлар өчен иң куркынычы - салкыннар түгел, ә ачлык!
Сәйтәк урта мәктәбенең башлангыч сыйныф укучылары канатлы дусларына ярдәмгә җитди караганнар. Өлкәннәр ярдәме белән матур, үзенчәлекле җимлекләр ясаган алар. Араларында нинди генәләре юк. Аларны төрлечә бизәгәннәр.
Җимлекләрне көнбагыш, кабак, солы, бодай орлыклары, төрле ярмалар белән тутырганнар һәм аларны агачларга элеп куйганнар.
"Аш бүлмәсе әзер! Безнең ашханә кышлаучы кошларның гомерен саклап калырга ярдәм итә алуына без бик шат", - ди укучылар.