68 яшьлек Зөлһизә Харисованы эзлиләр

Башкортстанда волонтерлар 68 яшьлек Зөлһизә Харисованы эзлиләр. «Вконтакте» социаль челтәрендәге “ЛизаАлерт Башкортостан” эзләү отрядының рәсми төркемендә хәбәр ителгәнчә, Әбҗәлил районы Аскар авылында хәбәрсез югалган хатын-кыз медицина ярдәменә мохтаҗ.

Билгеле булуынча, хатын-кыз 8нче гыйнварда өеннән чыгып киткән һәм югалган. Аның кайда булуы әлегә кадәр билгеле түгел.

Билгеләре: буе 157 см, урта гәүдәле, кыска кара чәчле һәм коңгырт күзле.

Эзләүчеләр югалган хатынның кайда булуы турында мәгълүматка ия булганнарның барысын да 8 (800) 700-54-52 яки 112 телефон номерлары буенча мөрәҗәгать итүләрен сорыйлар.