Башкортстанның сәламәтлек саклау министры тармак эшчәнлегенә йомгак ясады

Айрат Рәхмәтуллин, республикада сәламәтлек саклау системасын үстерү планнары турында хәбәр итеп, өч төп юнәлешне билгеләде: инфраструктура, кадрлар һәм санлаштыру. Яшь белгечләргә уңайлы эш шартлары булдыру өчен поликлиникалар һәм башка медицина объектлары төзү планлаштырыла.

Министр сүзләренчә, киләсе елда Кардиоүзәкнең хирургия корпусы файдалануга тапшырылачак, республиканың төрле муниципалитетларында тагын 6 поликлиника һәм модульле 130 конструкция төзеләчәк. Моңа һәм медицинага кагылышлы башка мәсьәләләргә Башкортстан Башлыгы Радий Хәбиров зур әһәмият бирә һәм бу эшләрне шәхси контролендә тота.

"Без үзебезнең перинаталь үзәкне модернизацияләячәкбез, тагын җиде хатын-кыз консультациясе төзиячәкбез. Бу республикада яшәүчеләр, ерак районнар өчен булачак. Бу да - шундый мөһим юнәлешләрнең берсе. Сүз уңаеннан, ул репродуктив сәламәтлек ягыннан да мөһим", - дип билгеләде ул.