Һәлакәткә очраган самолетта булган 29 кеше исән калган

Борт 2-3 тапкыр утырырга тырышып карый, тик барып чыкмый, бу Грозный тирәсендә була. Соңыннан ул һәм башка пассажирлар шартлаган тавыш ишетә, тик кайда һәм нәрсә шартлаганын аңларлык булмый. Шуннан соң самолет башка юнәлештә оча башлый. Бу хакта SHOT Телеграм-каналына сылтама белән «Интертат» яза. “Очучыга рәхмәт, ул үзенең маневры белән коткарып калды. Әгәр ул булмаса без барыбыз да үлгән булыр идек. Койрык өлеше җимерелгән иде», – дип сөйләгән ул. Субхонкул сөйләгәнчә, кислород битлекләре төшеп беткәч, аларда кислород булмый диярлек. Ул арткы утыргычка күчеп утыра һәм башка битлек ала. Аның сүзләренчә, шулай ук самолет җиргә төшәр алдыннан әйләнеп йөргән. Субхонкул тирәсендә утырган кешеләр барысы да исән калган. Кешеләр авыртудан ыңгырашты, ярдәм сорады,” - ди ул. Субхонкул могҗиза белән генә зыян күрми кала, хәзер аның башы бик авырта. Ул Екатеринбургта яши, Грозныйга үз өенә кайтуы булган, ул Бакуда күчеп утырырга тиеш була.
Һәлакәткә очраган самолетта исән калучылар саны 29га җиткән.

 Казахстанда һәлакәткә очраган самолетта Россиянең 16 гражданины булган. Бу хакта Казахстан Транспорт министрлыгының матбугат хезмәте хәбәр итә. Якынча мәгълүматлар буенча, очкычта барлыгы 62 пассажир һәм 5 экипаж әгъзасы булган. Алар арасында 29 кеше исән калган. Бу хакта Казахстан Сәламәтлек саклау министрлыгы матбугат хезмәте хәбәр итә. Росавиация мәгълүматлары буенча, очкыч бүген 9.30 сәгатьтә һәлакәткә очрый. Казахстанның Актау аэропортына төшкән вакытта AZAL авиакомпаниясенең (Азәрбайҗан) Embraer 190 самолеты җиргә килеп бәрелгән. Самолетның Бакудан Грозныйга очышы булган. Якынча мәгълүматлар буенча, һәлакәт судно кошлар көтүенә бәрелгәннән соң килеп чыккан. Хәзерге вакытта эзләү-коткару эшләре бара.

ВТ