“Робототехника”да күңелле

—Берләшмәгә 60 бала йөри. Алар алты төркемгә оешканнар. Агымдагы уку елында “Успех каждого ребёнка” дип аталган милли проект чикләрендә “Новые места” дигән баш астында яңа өч төркем булдырылды. Проект чикләрендә безгә өр-яңа алты электроника җыелмасы бирелде, — ди югары категорияле педагог Илшат Мәдехәт улы.

“Умный дом” проекты үсмерләргә аеруча кызыклы. Шушы проект чикләрендә робот-тузан суырткычның корылышын, эш тәртибен, өлешләрен өйрәнәләр. Балалар өчен виртуаль күзлекләр бар, аларны кулланып укыту фильмнарын карыйлар, зур төркем 3В модельләү белән дә шөгыльләнә.

Берләшмәгә йөргән малайлар һәм үсмерләр төрле дәрәҗәдәге бәйгеләрдә дә кыю катнашалар, уңышлар яулыйлар. Агымдагы уку елында Бөре шәһәренең “Ток-үзәк Умникум” учреждениесендә техник иҗат буенча “Зур ярышлар”VIII Халыкара конкурсы узды. Бу вакыйга бөтен илдән — Читадан алып Краснодар краена кадәр яшь талантларны җыйды. Гомуми белем бирү мәктәпләрендә, шулай ук техник иҗат үзәкләре берләшмәләрендә, станцияләрдә һәм яшь техниклар клубларында шөгыльләнгән 14 яшькә кадәр укучылар үзләренең осталыкларын һәм креативлыкларын күрсәттеләр. Шул исәптән балалар иҗаты үзәгенең "Яшь инженер" берләшмәсе укучылары (җитәкчесе Илшат Яхин) "Робо волейбол" юнәлешен тәкъдим иттеләр. 12 команда арасында безнең егетләр лаеклы икенче урынны алдылар һәм кыйммәтле призлар белән бүләкләнделәр.

Шулай ук республика балалар мәгариф технопаркы һәм М. Акмулла исемендәге Башкорт дәүләт педагогика университеты тарафыннан оештырылган "Йолдызлы эстафета" фәнни-техник проектлар халыкара конкурсының республика этабында10 яшьтән 15 яшькә кадәрге балалар катнашты. Алар ике кеше әзерләгән авторлык эшләрен тәкъдим иттеләр.Конкурстаалтыноминациядә110 укучыкатнашты."Робототехника" берләшмәсеукучылары Алмаз Әхтәриевһәм Тимур Риянов(җитәкчеләре Илшат Яхин)13 команда арасында "Космоста роботлар" номинациясендә икенче урынны алдылар.

Яшь инженерларны һәм аларның остазларын матур җиңүләре белән котлыйбыз! Киләчәктә дә уңышлар һәм техник иҗат дөньясында яңа казанышлар телибез.