Балтач районында 100нче сабый туды

Кемнәр соң алар бәхетле гаилә һәм сабый?

Сәйтәк авылында яшәүче Альмира һәм Ринат Камаловлар икән. 

 Камаловлар гаиләсендә  беренче сабыйлары -  уллары туган. Аңа Альберт дип исем кушканнар.

 Яшь әти, әни  ЗАГС органына  “Бала туу”  суперсервисы аша мөрәҗәгать  иткән.

ЗАГС бүлеге начальнигы Гөлшат Гайнетдинова  яшь  әти-әнигә сабыйларының беренче документын-туу турында таныклыгын һәм истәлекле бүләк тапшырды.

Альмира һәм Ринат Камаловларны шушы бәхетле мизгелләре -  нарасыйлары туу уңаеннан котлыйбыз. Уллары Альбертның сәламәт, акыллы, тәүфыйклы, әти-әнисе, туганнары һәм якыннарының җылысын тоеп яшәргә язсын.

 Районда балалар күбрәк тусын иде, дигән теләгебезне җиткерәбез.