Вәхшилек: фатирда башы өзелгән хатын-кыз мәетен тапканнар...

Түбән Новгород өлкәсенең Саров шәһәрендә коточкыч фаҗига теркәлгән. Ленин проспектындагы бер фатирда 78 яшьлек ир-ат һәм 77 яшьлек хатын-кызның мәетен тапканнар. Россия Тикшерү комитетының төбәк буенча Тикшерү идарәсе мәгълүматларына караганда, өлкән яшьтәге хатын-кыз мәетенең башы кисеп алынган, дип яза “KazanFirst”. Фаҗига очрагы буенча җинаять эше кузгатылган. Тикшерүчеләр шаһитлардан сораштыра, җинаять эзләрен эзли. Вәхшине әле тапмаганнар. Тикшерү комитеты фотоларына караганда, мәетләр табылган фатирның идәне, стеналары, коридоры һәм юыну бүлмәсе канга баткан.
 ВТ