-8 °С
Кар
Барлык яңалыклар
Новости
4 декабрь 2024, 20:18
Күңел җылысын кушып...
Мата авылының уңган хатын-кызлары яу кырындагы райондашларыбызга җибәрер өчен токмач кистеләр.
Күңел җылысын кушып...
Маталыларның шулай бергәләп җыелулары беренче тапкыр гына түгел. МХО зонасындагы егетләребезгә ярдәм итү теләге аларны тагын да ныграк берләштерде, якынайтты. Бергәләшеп алар оекбашлар, биялиләр бәйләделәр, маскировка челтәрләре үрделәр. Хәзер инде токмач кисәргә булдылар. Булдыклылар яугирләребезгә ярдәм итүнең барлык булган юлларын да эзлиләр.
- Мата авылы халкы һәрвакыт бердәм, кунакчыл һәм ярдәмчел. Махсус хәрби операция зонасында булган авылдашларыбыз, райондашларыбыз өчен ярдәм җыя башлауның беренче көненнән үк кушылдык. Бердәм булып акча да җыйдык, оекбашлар да бәйләдек, маскировка челтәрләре дә үрдек – гуманитар ярдәм туплауга үзебезнең өлешне керттек. Хәзер дә авылдашлар арасында токмач кисү турында хәбәрне биргәч, барысы да бу изге эшкә теләп кушылдылар. Өйдә әзерләп китерүчеләр дә күп булды. Шундый мәрхәмәтле һәм изге күңелле авылдашларыма зур рәхмәт әйтәсем килә, - ди әлеге эшнең инициаторы Эльвера Солтанова.
Уңган хуҗабикәләр кыр шартларында яугирләребезнең нәрсә ашаулары турында да борчылалар. Тиз әзерләнә һәм туендыра, сәламәтлекләрен ныгытырга сәләтле ризыклар белән туклануларын телиләр. Туган ягында һәм авыл йомыркасына “Бисмилла” дип әйтеп киселгән токмачлы аш егетләргә зур җиңүләр белән мөмкин кадәр тизрәк кайтырга көч өстәр.
- Әгәр дә без яугирләргә азрак булса да ярдәм итә, туган як җылысын тапшыра алсак, бу безнең өчен зур куаныч. Барыбызның да теләк бер – якташларыбызның исән-сау туган җирләренә әйләнеп кайтуларын телибез. Бу эшебезне туктатмыйбыз, ары таба да шулай кулдан килгәнчә ярдәм итеп торачакбыз, - ди маталылар.
Аларның теләкләренә без дә кушылабыз. Кул һәм күңел җылысы белән әзерләнгән ризыклар яугирләребезне куандырсын һәм көч бирсен...
Күңел җылысын кушып...
Читайте нас:
Редакцияне сайлау
© 2025 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан».
Новости Балтачевского района
Балтач районы яңалыклары
Балтас районы яңылыҡтары
Новости Балтачевского района Республики Башкортостан
Башкортстан Республикасы Балтач районы яңалыклары
Новости Республики Башкортостан
Башҡортостан Республикаһы яңылыҡтары
Башкортстан Республикасы яңалыклары
Балтач районын увер
Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571