Башкортстанда Мөмкинлекләре чикләнгән кешеләрне кайгырту атналыгы башлана

3 декабрьдә билгеләп үтелә торган Халыкара инвалидлар көненә багышланган тематик атна киң җәмәгатьчелекнең игътибарын инвалидлар проблемаларына җәлеп итүгә, аларның хокукларын һәм иминлеген яклауга юнәлтелгән. ОВЗлы кешеләр турында кайгырту елында Башкортстанда тематик атна кысаларында төбәк Хезмәт министрлыгы, шулай ук иҗтимагый оешмалар, республиканың хәйрия фондлары инициативасы белән күп кенә чаралар планлаштырылган. Ишетү сәләте начар булган инвалидлар өчен Республика КВН, «Юмарт сишәмбе» акциясе, инвалидлар өчен вакансияләр ярминкәсе, инвалидлар һәм инвалид бала тәрбияләүче гаиләләр өчен «Ягымлы фотография» фотоконкурсы, сәламәтлеге мөмкинлекләре чикләнгән балалар тәрбияләүче хатын-кызлар арасында матурлык һәм талант республика конкурсы, “Аерым рәссам” дигән инвалид балалар эшләрен күргәзмә-сату-алу һәм башка чаралар планлаштырыла.