Россиялеләр гыйнвар түләүләрен вакытыннан алда алачак

 Гадәттәгечә үз социаль түләүләрен гыйнвар башында ала торган россиялеләр пособие һәм пенсияләрне инде декабрь ахырында ала алачак. Бу хакта Дәүләт Думасы депутаты Светлана Бессараб хәбәр иткән. “Айның беренче көннәрендә пенсия, пособие, хезмәт хакы, төрле социаль гарантияләр һәм түләүләр алган һәркем үз түләүләрен декабрь азагында алачак. Әгәр түләүләр бәйрәм көннәренә туры килә икән, алар алдан ук башкарыла”, — дип белдергән Бессараб «АиФ» белән әңгәмәдә.

Шулай ук гыйнварда түләүләр балаларга бердәм пособиегә, йөкле хатыннарга пособиегә, 1,5 яшькә кадәрге баланы карау буенча пособиегә һәм 3 яшькә кадәрге балаларга ана капиталыннан айлык түләүләргә кагылачак. Алдан бу түләүләр 28 декабрьгә кадәр исәпләнәчәк.