"Ай кызы" СВОга юлланды

Хөсәин Әхмәтов исемендәге Башкорт дәүләт филармониясе артисткасы, "Башкортстанның атказанган артисты". Эльмира Юлдашева СВОга барырга карар кылган. Бу хакта ул "Башинформ" агентлыгына сөйләгән. Актриса сүзләренчә, ул махсус операция бурычларын турыдан-туры алгы сызыкта башкарырга планлаштыра, шуңа күрә бүген БПЛА операторы срләренә өйрәнә.

— Мин — үз Ватанымның патриоты. Ватаныбызны сакларга кирәклегенә шикләнгән ир-егетләр өчен үрнәк буласым килә. Хезмәттәшләремнең минем карарны хуплавына мин бик шат. Мәдәният министрлыгы җитәкчелеге эш урынымны саклап кала, — дип хәбәр иткән Эльмира.

Эльмира Юлдашева үзенең сугышчан рухы булуын, әмма барыбер күңел кичерешләре барлыгын билгеләгән.

— Әлбәттә, бик борчылам. Ләкин мин — көчле кеше, тормышта күпне күрдем. Барысы да килеп чыгар дип уйлыйм. Якыннарыма миңа ярдәм иткәннәре өчен рәхмәтлемен, — дип сөйләгән актриса.

Исән-сау йөреп кайт, “Ай кызы” Эльмира!

Фото: Х. Әхмәтов исемендәге Башкорт дәүләт филармониясенең ВК дагы сәхифәсеннән, Башинформ