Декабрьдә аномаль һава торышы булачак, диләр

Төбәк синоптиклары кышның беренче аенда һава торышының үзенчәлекле булуын хәюәр итә.

Кышның беренче аенда төбәккә бераз салкыннар киләчәк. Көндез термометр баганасы -10 градуска якынлашачак. Гисметео белгечләре мәгълүматларына караганда, һава температурасының мондый түбәнәюе декабрьнең икенче яртысында көтелә.

Русия метеохезмәте мәгълүматлары буенча, киләсе ай башында, кыш башлануга карамастан, көндез -3, -4 градус кына көтелә. Төнлә бераз салкынрак булачак. Икенче ункөнлектә кар ява башлаячак. 2, 3 һәм 5 декабрьдә кар явуы көтелә. 6 декабрьдән болытлы һава торышы урынына кояшлы көннәр киләчәк.

Ай уртасында төнлә дә, көндез дә һава температурасы -7 градус тәшкил итәчәк.

Декабрьнең икенче яртысында термометр баганасы -10 градустан түбән төшәчәк. Аерым көннәрдә -20 градуска кадәр суыту көтелә. Юлларда кар ятуы һәм бозлавык булачак, кискен җылытуы да ихтимал.