Ике үсмер югалган

15 яшьлек Егор Сумароковны һәм 16 яшьлек Радмир Фазлыәхмәтовны Уфада һәм Мәскәүдә эзлиләр. Үсмерләрнең кайда булуы 12 ноябрьдән бирле билгеле түгел.

Егорның билгеләре: буе 165 сантиметр, ябык гәүдәле, саргылт чәчле,  күзләре зәңгәр төстә. Югалган көнне өстендә куе яшел төстәге куртка, лампаслы кара трико, кара бейсболка, аягында кара кроссовкалар кигән була.

Радмирның билгеләре: буе 165 сантиметр, какча гәүдәле, коңгырт чәчле, коңгырт күзле. Чагу шәмәхә төстәге куртка, кара джинслар һәм ак кроссовкалар кигән була.

Югалган үсмерләр турында нинди булса мәгълүмат белүчеләр, 112 телефоны аша, махсус хезмәтләргә хәбәр итегез.

Фото социаль челтәрләрдән.