Башкортстанда яшәгән ике хатын-кыз 8 миллион сум акчаларын "инвестицияләгән"

Уфа шәһәренең 11 нче полиция бүлегенә мошенниклык турында гариза белән шәһәр предприятиеләренең берсендә эшләүче 45 яшьлек хатын мөрәҗәгать иткән. Хатын-кыз акчаларны инвестицияләү юлы белән тиз һәм җиңел баю турындагы әкияткә ышанып, аферистлар корбаны булуын сөйләгән. Хатынның кәрәзле телефонына билгесез ир-аттан шалтырату кергән, ул үзен «финанс аналитигы» дип таныштырган һәм инвестиция мәйданчыгында акча эшләргә тәкъдим иткән. Хатын ризалаша, сылтама буенча сайтка күчә, кушымтаны урнаштыра, теркәлә. Аннары ялган аналитик гариза бирүчедән үзе күрсәткән счетны тулыландырырга сорый, һәм ул ай дәвамында шулай эшләгән дә. Барлыгы зыян күрүче 5,5 миллион сумга якын кредит акчаларын "инвестицияләгән".

Россия Эчке эшләр министрлыгының Нефтекама шәһәре буенча бүлегенә шундый ук гариза белән биредә яшәүче 43 яшьлек хатын-кыз мөрәҗәгать иткән. Хатын-кыз Интернет челтәрендә инвестицияләрдә акча эшләү мөмкинлеге турында белүе турында сөйләгән. Тәкъдим белән кызыксынып, хатын - кыз шәхси мәгълүматлар белән заявка калдырган һәм берничә минуттан инде «инвестор»дан шалтырату алган. Башта барысы да законлы булып тоелган, аның белән килешүләр төзегәннәр, аны мәгълүмат белән уртак чатка тоташтырганнар. Мөрәҗәгать итүче 1,5 айга якын үзенә җибәрелгән реквизитлар өчен кредит акчалары керткән. Әмма дивидендлар ала алмаган. Нефтекамалы 2,5 миллион сумнан артык сумманы югалткан.

Башкортстан Республикасы буенча Эчке эшләр министрлыгы өстәмә акча эшләү өчен интернет-биржада катнашу җитди финанс югалтуларга китерергә мөмкин дип кисәтә. Онлайн-счетта акча булу кертелгәннән күбрәк сумманы чыгару мөмкинлеген гарантияләми. Бирелә торган мәгълүматны игътибар белән өйрәнү мөһим, бигрәк тә сүз сезнең финанслар турында барса. Сак булыгыз!

 Башкортстан Республикасы буенча ЭЭМ матбугат хезмәте