Уңышлар Сезгә, Максим Васильевич!

Максим Забелин Башкортстан Башлыгы Хакимитияе җитәкчесе вазифасыннан китте. Бу хакта республиканың идарә үзәгендә узган оператив Хөкүмәт киңәшмәсендә Радий Хәбиров хәбәр итте.

—Максим Васильевич медицинага кайтырг акарар кылды. Аңа Мәскәү өлкәсендә иң эре сәламәтлек саклау системасын җитәкләргә бик җитди тәкъдим килде, - дип сөйләде төбәк башлыгы.

Максим Забелинга 45 яшь, ул медицина фәннәре докторы. Башкортстанда 2018 ел ахырыннан эшли. Башта аны республиканың сәламәтлек саклау министры итеп билгеләделәр, ә 2021 елда ул бер үк вакытта төбәк Хөкүмәтенең вице-премьеры да булды. 2022 елның мартында Забелинны төбәк башлыгы Хакимияте җитәкчесе итеп билгеләделәр.

Источник: vk.com/zabelinm