Изге эшкә кушылып

Мата авылы халкы махсус хәрби операциядә булган якташлары өчен гуманитар ярдәм җыюда баштан ук кушылды. Алар яугирләргә ярдәм итүнең барлык  булган юлларын эзлиләр.

Даими рәвештә яугирләр өчен кирәк-яраклар да җыялар, авыл клубы бинасында маскировка челтәрләрен дә үрәләр.

—Безнең авылда бердәм һәм тату халык яши. Бу изге эшкә кушылмаган кеше калмагандыр, мөгаен. Иң мөһиме, авылдашларыбызның, райондашларыбызның исән-сау туган якларына әйләнеп кайтуларын телибез. Бу эшебезне туктатмыйбыз, шулай ярдәм итеп торачакбыз,—ди авыл халкы.